Ágætt væri nú að vita hvort raunveruleg hætta var á ferðum!

Það vantar algjörlega skýringu við þessa frétt.  

Hvers vegna hætti flugvélin við lendingu á Keflavíkurflugvelli? Út af ókyrrð eða hliðarvindi?

Hver eru hámarkshliðarvindur fyrir slíka vél í lendingu?

Var raunveruleg hætta á verðum í þessu tilviki? 

Héldu að þetta væru endalokin

Athugasemdir

[Huldukonan, 4.1.2008 kl. 18:15]

Múgæsingur

[Jónas Arnarss (IP-tala skráð) 4.1.2008 kl. 18:22]

Samkvæmt Hilmari Baldurssyni flugrekstrarstjóra Icelandair var engin hætta á ferðum.  -fréttir kl 18 á RUV.

[Helgi Viðar Hilmarsson, 4.1.2008 kl. 18:41]

Jæja, nú er RÚV búið að svara því sem Mogginn lét hjá líða að greina frá.

1. Engin hætta var á ferðum.
   
2. Flugmenn fara eftir ákveðnum öryggisreglum við lendingum þar sem ákveðnar breytur í aðfluginu og brautarskilyrði verða að vera innan tiltekinna marka.
   
3. Að lokum metur flugstjórinn hvort óhætt sé að lenda.
   

Mér finnst þetta nú frekar slappur fréttaflutningur hjá Moggamönnum.

[Einar (IP-tala skráð) 6.1.2008 kl. 16:15]

Ég var um borð í þessari vél og sá , fann og heyrði allt sem fram fór.
Þetta var ekkert grín. Þeir sem sátu aftast í vélinni sáu hvernig nefið fór niður og stelið upp sem er ekki eðlileg hegðun í lendingu.
Einnig var að mér skilst um 50 hnúta hliðarvindur þessa stundina en vélin er uppgefin fyrir mest 40 hnúta hgliðarvind.
Hversvegna var þá verið að reyna lendingu yfir höfuð en ekki farið beint á Egilstaði?

[Helgi Viðar Hilmarsson, 7.1.2008 kl. 18:36]

Takk fyrir þetta Einar,

Ég efast ekki um að þetta hafi verið mikill atgangur og því ekkert óeðlilegt að fólk hafi orðið óttaslegið. Fram hefur komið að vélin hafi lent í kröftugu niðurstreymi í aðfluginu sem gæti skýrt þessa óeðlilegu dýfu sem vélin tók. Líklegt er að flugmönnunum hafi ekki tekist að halda vélinni í aðflugsgeisla og því hafi lengingartilraunirnar mistekist. Upplýsingar frá flugturni um lendingarskilyrði hafa sjálfsagt gefið til kynna að lending væri gerleg en það ekki reynst raunin þegar á hólminn var komið.