Þeir eru líka ágætir í þessu hérna heima þó að þeir séu ekki alveg svona grófir.

Íslenski bílasalar eru líka ágætir í því að hafa kaupendur bíla að fíflum með því að verðleggja bílana langt yfir því verði sem eðlilegt getur talist af því að það er svo auðvelt að yfirtaka lánið semá bílnum hvílir. Svo er það líka til fáranlega langs tíma til þess að mánaðargreiðslan sé ekki of há.  Íslendingurinn spyr nefnilega ekki hvað kostar það, heldur hvað kostar það á mánuði.

Spurning er síðan hvort hægt er að kalla þetta svik. 

Bandarískur bílasali sveik fé af Íslendingum

Athugasemdir

[Tóti (IP-tala skráð) 22.11.2007 kl. 08:15]

Bölvuð ekkisens vitleysa er þetta í þér maður. Verðlagning bíla á Íslandi er mjög einföld, verðið er reiknað út með forriti sem bílgreinasambandið leggur til, og oftast er farið eftir því. Bílalánin koma svo frá bílalánafyrirtækjum sem ákveða sjálf hversu hátt hlutfall af verði bílsins þau eru tilbúin að lána. Ytri hagfræðileg áhrif valda því síðan hvernig lánið breytist á lánstímanum, ekki bílasalinn. Það er svo auðvitað val viðskiptavinarins hversu lengi hann vill vera að greiða af bílaláninu. Hin ytri áhrif valda því stundum að lánið verður hærra en nemur reiknuðu verðmæti bílsins og þá er það kaupandans að ákveða hvort hann vilji yfirtaka lán sem er sannanlega hærra en reiknað verðmæti bifreiðarinnar. Þarna ertu svolítið að hengja bakara fyrir smið.

[Helgi Viðar Hilmarsson, 22.11.2007 kl. 17:08]

Það getur vel verið að menn noti eitthvað fínt forrit frá Bílgreinasambandinu, sérstaklega þegar verið er að taka bíla uppí.  Ég skoðaði tiltekna gerð bíla í sumar með væntanleg kaup í huga.  Notaðir innfluttir bílar af þessari gerð voru yfir línuna yfirverðlagðir gjarnan um 10 - 15%.  Grófasta dæmi sem ég sá var þó 30% yfirverðlagning og kaupandanum boðið að yfirtaka bílalán með "hagstæðum" afborgunum þar með væri málið dautt.  Tiltekinn bíll var 10 mánaða gamall og keyrður 30.000 km og var verðlagður 1 milljón hærra en nýr bíll hjá umboðinu eins útbúinn.  Slíka bíla er búið að verðfella um 20 - 25 % í því landi sem bílasalinn keytpi hann.

[Tóti (IP-tala skráð) 25.11.2007 kl. 12:14]

Það er ekki hægt að dæma heila stétt af vinnubrögðum eins manns, en þú mátt ekki gleyma því að sjaldnast eiga bílasalar sjálfir bílana. Þeir eru umboðssölumenn fyrir einstaklinga úti í bæ.

[Helgi Viðar Hilmarsson, 29.11.2007 kl. 17:26]

Ég er nú að skrifa þessa færslu í tengslum við frétt um svik í viðskiptum með innflutta bíla.  Nokkuð er um að bílasölur hér heima flyti inn notaða bíla til að endurselja þá og þá gjarnan bíla í dýrari kanntinum sem eru mikið keyrðir en nýlegir til þess að ná sem hagstæðustu verði úti. Síðan eru bílarnir óeðlilega hátt verðlagðir hér heima og seldir á 100% láni til 7 ára.  Þetta á ekk bara við um einn bílasala, en heldur ekki alla. 

[Helgi Viðar Hilmarsson, 29.11.2007 kl. 17:40]

Varðandi fína forritið frá bílgreinasambandinu þá kannaði ég hvað ég fengi fyrir bílinn minn í uppítöku.  Hann kom út á 182.000 og þá átti eftir að taka hann í söluskoðun og verðfella hann sjálfsagt en frekar.  Mér þótti þetta frekar lágt og bað strákinn að kanna ásett verð á netinu og reyndist það vera 350 - 400 þúsund og voru allir þeir bílar keyrðir meira en minn.  Mér finnst þetta nú vera ágætis álagning svo ekki sé meira sagt.

[Helgi Viðar Hilmarsson, 29.11.2007 kl. 18:20]

Að lokum.  Mitt mat er að verðlag á notuðum bílum á Íslandi sé of hátt og því sé haldið uppi í gegnum bílalán.  Ekki er óalgengt að afborgunarupphæðin ráði ferðinni ferkar heildarverðið þegar kaup eru ákveðin.  Þetta nýta bílasalar sér til þess að ná sem mestum hagnaði út úr notuðum bílum sem þeir flytja inn sjálfir með þeim að ferðum sem ég hef lýst hér að ofan.  Sumir eru svo ósvífnari en aðrir.